Birêveberê Bernameyên Tenduristiyê yên Civata Heyva Sor a Filistînê hişyarî da ku pergala tenduristiyê li Zîvala Xezzeyê ji ber êrîşên rasterast ên rejîma dagirker, dorpêçkirin û pêşîgirtin li hatina alavên pizîşkî yên bingehîn tûşî metirsiya hilweşiyana tam bûye.

‘Bişar Mirad’ ragihand: Dewama girêdayîmayîna derbasgehan bûye berbendek ser rêya hatina parçe û alavên yedek ên hewce ji bo jeneratorên karebayê û ambûlansan, herwiha rûn û alavên labratiwarî.

Wî herwiha got: Nexweşxane û dermangeh ji dema qutbûna karebayê bi tamî girêdayî bi jeneratoran in. kêmbûna ardûyê, rawestana xizmetên dermanî di her kêliyekê da muhtemel kiriye û raberkirina xizmetên pizîşkî bo nexweş û birîndaran hema bêje nepêkan kiriye.

Bişar Mirad bal kişande ser dûhatên jîngehî yên qeyranê û hişyarî da: Wêrankirina şebekeyên rêjavê û hebûna meytan di bin kavilan da, atmosfereke guncan ji bo belavbûna afetan pêk aniye û pêşîgirtin li hatina madeyên jinavbirina afetan, giraniya karesata mirovî li Xezzeyê zêdetir kiriye.