Şaredarîya bajarê El Xelîlê li başûrê Rexê Rojava ragihand: Destdirêjîyên berdewam ên Rejîma Îsraîlê ser vî bajarî, bûne sedema awarebûn û zîyandîtina zêdetir ji sê hezar û 300 filistînîyan.

Şaredarîya El Xelîlê di daxûyanîyekê da ragihand ku artêşa dagirker a Îsraîlê herwiha 15 xanî û binesazî bi awayekî tam wêran kirine û 327 dikan li vî bajarî girtine.

Texmîna Şaredarîya El Xelîlê herwiha nîşan dide ku zîyanên rasterast ên aborî yên ji ber van destdirêjîyan, rojane ji derdora 3.8 milyon dolarî derbas dibe û zîyanên rojane yên beşa tenduristî û jîngehê jî derdora 160 hezar dolarî tê texmînkirin.

Li gorî vê daxûyanîyê, di encama operasyona leşkerî ya Rejîma Îsraîlê da, derdora 80 hezar xwendevan û xwendekar ji amadebûna li dibistanan bêpar mane.

Li gorî amara Şaredarîya El Xelîlê li başûrê Rexê Rojava, zêdetirî sê hezar û 300 filistînî di encama destdirêjîyan ku bi pirranî du taxên El-Celde û Eyn Dêr Beheyê kirine armanc, aware bûne yan zîyan dîtine.