Hewldana cîhanî ji bo sînordarkirina bikaranîna torên civakî
Politico'yê di nivîsekê da tevî amajeya bi lêkolînên pêkhatî, derbarê bandora nerênî ya torên civakî li ser tenduristiya derûnî ya zarok û nûciwanan hişyarî da.
Kovara Politico'yê di raporekê da tevî hişyarîdana derbarê bandora nerênî ya torên civakî li ser tenduristiya derûnî ya zarok û nûciwanan, nivîsî: Gellek welat li dû danîna sînordariyê û sepandina qanûnan di bikaranîna van platforman in.
Politico'yê her wiha nivîsî: Bikaranîna torên civakî ji aliyê zarok û nûciwanan li deverên cûrbicûr ên cîhanê bûye pirsgirêkeke mezin ji bo dêûbavan.
Vê demê hin welat ji wan Çîn û Fransa pêngavên yekem ji bo kontrolkirina bikaranîna zêdebarî ya platformên civakî weke facebook, Instagram û Tiktok'ê radikin.
Li Yekîtiya Ewropayê (YE) jî bi awayekî berfireh hin berame bi navê Qanûna Xizmetên Dîjîtal (DSA) hatine ragihandin ku li gorî wan platformên online weke Tiktok, Facebook û Youtube neçar in saxlembûna berhemên xwe ji bo zarokan ji Komîsyona Ewropayê ra îsbat bikin.
Zirar û ziyanên weke tengijîn û damayîn, bêhntengî, nerazîtiya ji rewşa xwe ya xuyakriinê û lawaziya di warê lêhûrbûn û baldariyê da j dûhatên bikaranîna torên civakî li ser zihn û derûna zarok û nûciwanan in.
