Adar 31, 2023 16:11 Asia/Tehran
  • Misteşarekî îranî di êrişa Rejîma Sîyonîst ser Sûrîyê da hat şehîdkirin

Di encama êrişa cinayetkarane ya Rejîma Sîyonîst ser derdora Şam paytexta Sûrîyê da, misteşarekî îranî hat şehîdkirin.

Dayra Ragihandinê ya Sipaha Pasdarên Şoreşa Islamî di daxûyanîyekê da ragihand: Di encama êrişa cinayetkarane ya Rejîma Sîyonîst ser derdora Şam paytexta Sûrîyê da, misteşarê îranî Mîlad Heyderî hat şehîdkirin. 

Sipaha Pasdarên Şoreşa Islamî di vê daxûyanîyê da bêdengî û bêbertekmayîna civatên cîhanî yên kêrhatî himberî cinayet û destdirêjîyên berdewam ên Rejîma Sîyonîst û domandina binpêkirina serwerî û yekperçetîya axa welatekî serbixwe yê endamê NY şermezar kir û pêgirî kir: Bê guman Rejîma SDîyonîst a sexte û cinayetkar yê bersiva vê cinayetê wergire.

Balafirên cengê yên Rejîma Sîyonîst berbanga îro êrişî çend cihan li Şamê kirin.

Li gorî ragihandina medyayên sûrî, yek ji deverên hatine bombekirin, devera Dîmas`ê ye.

Di vê navbera Sîstema Berevanîya Esmanî ya Artêşa Sûrîyê karîye çend rokêtan bişopîne û têk bibe.