Sûcên şer ên dewleta Tirkiyê yên li Efrînê didomin
Dewleta Tirkiyê û çeteyên wê ku bajar û herêmai Efrînê dagir kirine 4 kes ku 3 ji wan jin in revandin.
Li gorî nûçeya ANHA'yê ku ji zarê çavkaniyên xwecihî ragihandiye, çeteyên "Ehrar El-Şam" ya girêdayî dewleta Tirkiyê li devera dagirkerî ya Efrînê li gundên navçeya Cindirêsê 3 jin û mêrekî sivîl revandin.
Navên sivîlên hatine revandin ev in : Edîb Bekir, Ayşe Hiso, Emîna Henan, Ferîda Hemo.
23'yê Mijdarê li navçeya Mabata ya Efrînê 3 sivîl hatibûn revandin ji bo berdanê ji malbatan serê her yekê 2 hezar dolar fîdye xwestibûn.
19’ê Mijdarê li gundê Badina ya Mabatayê 4 sivîl, 16’ê Mijdarê jî li navçeya Bilbil a Efrînê 5 sivîl, 14'ê Mijdarê li gundê Emara ya Mabatayê 4 sivîl, 12’ê Mijdarê jî li gundê Emara 3 sivîl hatibûn revandin.
Efrîn û herêma wê ji sala 2018’an ve di bin dagirkeriya dewleta Tirkiyê û terorîstên pêve girêdayî de ye. Li herêmê bi sîstematîk sûcên dij mirovahiyê tên kirin, mal û zeviyên welatiyan tên dizîn, talankirin. Li herêmên dagirkirî ‘rejîmekî terorê’ tê avakirin. Rojane sivîl li herêmê tên revandin.
