Berdevkê hêzên çekdar ên Yemenê ragihand ku operasyoneke berfireh û taybet li dijî Baregeha Hewayî ya Melik Xalid li Xemîs Muşeytê ya Erebistana Siûdî pêk hatiye.

Sertîp Yehya Serî, berdevkê hêzên çekdar ên Yemenê ragihand ku di operasyoneke berfireh û taybet de li dijî Baregeha Hewayî ya Melik Xalid li Xemîs Muşeyt a Erebistana Siûdî de, bi dehan mûşek û xwefir, cihê xwedîkirina balafiran, radar, bandên firrînê û depoyên cebilxaneyê yên baregehê hatine hedefgirtin. Yehya Serî got: Ev operasyon di bersiva zêdebûna êrîşên hewayî yên Siûdî de pêk hat û balafirên şer ên Siûdî di pênc rojên borî de zêdetirî 300 êrîş li dijî deverên curbicur yên Yemenê pêk anîne.
Di heman demê de, dezgehên medyayî yên Yemenê pêşketinên li başûrê welêt û rizgarkirina herêma stratejîk û peravî ya Kehbûb a nêzîkî Bab ul Mendebê radigihînin. Televîzyona El-Mesîreyê ragihand ku hêzên Ensarullahê piştî têkbirina hêzên ku ji hêla Siûdî ve têne piştgirîkirin, herêm kontrol kirine. Di van pevçûnan de neh fermandarên Hevalbendiya bi serokatiya Erebistana Siûdî hatine kuştin an jî birîndar bûne. Di heman demê de, rapor behsa berdewamiya êrîşên mûşekî yên Yemenê li ser başûrê Erebistana Siûdî dikin. Berdevkê Hêzên Çekdar ên Yemenê tekez kir ku heta ku êrîşên Erebistana Siûdî li dijî Yemenê berdewam bikin, operasyonên kûr di nav Erebistana Siûdî de dê berdewam bikin û her zêdebûna êrîşan dê bi bersivek berfirehtir ji hêla hêzên Yemenê ve were bersivandin. Em ê hevkêşeya dorpêçkirin li dijî dorpêçkirinê û zêdebûna kêşeyê li hember zêdebûna kêşeyê bidomînin û hêzên Siûdî yên ku ji bo zêdekirina aloziyan seferber bûne hedef bigirin heya ku êrîş raweste û dorpêç bi dawî bibe.