Awareyên kurd ên ji Serêkaniyê piştî êrişa li ser karwanê vegera awareyan li bajarê Girê Spî, daxwaza dabînkirina ewlehî û garantiyên qanûnî ji bo vegera bo malên xwe kirin.

Di êrişa 26ê Cotmehê da, zêde ji 200 kes li avahiyekê hatin dorpêçkirin û maşînên wan hatin şewitandin. Hêzên ewlehiyê piştî 9 saetan kesên asêbûyî rizgar kirin. Ev bûyer bûye sedema rawestandina pêvajoya vegera awareyan bo Serêkaniyê. Aware herwiha agahî didin ku mal û milkên wan ji hêla komên çekdar va hatine desteserkirin. Rayedarên parêzgeha Hesekeyê ragihandine ku dê bi desteserkerên neqanûnî yên milkan ra serederiya dadwerî were kirin. Li gorî amara fermî, ji meha Tebaxê va heta niha sê hezar û 181 malbat di çarçoveya şeş karwanan da vegeriyane navçeyên xwe yên niştecîbûna berê. Aware tekez dikin ku vegera ewle hewcedarê dabînkirina ewlehiyê, parastina heyîtî û milkan û raberkirina garantiyên qanûnî ye.