Ji ber şewitîna nexweşxaneke parêzgeha Zîqarê ya Iraqê 36 kes mirin
Tîrmeh 13, 2021 10:26 Asia/Tehran
Li parêzgeha Zîqar a Iraqê agir bi nexweşxaneke Koronayê ket û di bûyerê de 36 kesan jiyana xwe ji dest dan û bi dehan kes jî birîndar bûn.
Tendirustiya Zîqarê ragihand ku agir bi nexweşxana Îmam Husên a Koronayê ya li parêzgeha Zîqarê ket û di şewatê de 36 kesan canê xwe ji dest dan.
Tîmên agirkuj û kesûkarên pêketiyên Koronayê hewl didin ku nexweşan ji şewatê rizgar bikin.
Li gor medyaya Iraqê şewat ji ber teqîna butleke oksîjenê derketiye.
Tendirustiya Zîqarê rewşa awarte li parêzgehê ragihand û eşkere kir ku du karmendên tendirustiyê jî di şewatê de jiyana xwe ji dest dane.
