Emîr-Ebdullahiyan: Bila Amerîka li dewsa zêdexwaziyê, şêwazeke rastbînane bigire ber xwe
Wezîrê karên derve yê Îranê got: Îran ji bo bidestxistina lihevkirineke baş, bihêz û mayînde bibiryar e û Amerîka divê li dewsa zêdexwazî û astengîderxistina di rêya kar da, bi şêwazeke rastbînane tev bigere.
Husên Emîr-Ebdullahiyan, Wezîrê karên derve yê Îranê roja Pêncşemiyê di gotûbêja telefonî di gel Nîkola Silakovîç wezîrê derve yê Sirbistanê da derbarê gotûbêjên Viyenê got: Çîn, Rûsiye û sê welatên ewropî di rêya bidestxistina lihevkirinê, helwêsteke avaker hene.
Wezîrê karên derve yê Îranê rola Yekîtiya Ewropayê bi taybet hewildanên Cozêp Borel berpirsê siyaseta derveyî ya Yekîtiya Ewropayê û Ênrîke Mora gotûbêjker payebilind ê Yekîtiya Ewropatyê di gotûbêjên Viyenê da jî erênî nirxand.
Emîr-Ebdullahiyan her wiha pêwendiyên Îran û Sirbistanê ber bi pêşketinê nirxandin û hêvî kir ku bi lidarxistina komîsiyona aborî ya du welatan, rewş ji bo xurtkirina zêdetir a pêwendiyan xweş bibe.
Nîkola Silakovîç jî tevî pîrozkirina meha pîroz a Remezanê û Newroza Kevnare ji gel û dewleta Îranê, kêfxweşiya xwe ji ber salvegera 80î ya pêkhatina pêwendiyên du welatan diyar kir.
