Ava rûbarekê li bakûr-rojhilatê Tirkiyê ji nişkê va sor bû
Tesrîn 22, 2026 15:58 Asia/Tehran
Guhêrîna nişkêvayî ya rengê ava rûbarekê li parêzgeha Rîzeyê ya li berava Deryaya Reş, bû sedema şaşmayîn û nîgeranîya niştecihên xwecî.
Ev bûyer nîvroya Şemiyê di rûbarekê da qewimî ku piştî derbasbûna ji navenda bajarê Rîzeyê, dirije Deryaya Reş. Di pey belavbûna wêneyên vê bûyerê da, hêzên jîngehê û şaredarîya Rîzeyê bi bikaranîna xwefirran dest bi lêgerrîna jêdera qirêjîyê kirin. Lêgerrînan nîşan da ku kargeheke taybet a palavtina çayê dest bi valakirina nekontrolkirî ya ava qirêj bo rûbarê kiriye. Qayîmeqametîya Rîzeyê ragihand ku ev kargeh ji ber binpêkirina qanûnên jîngehê hatîye cezakirin û nimûneyên ava rûbarê bo lêgerrîna qas û cûreya qirêjîyê bo labratiwarê hatine şandin.