Seroka HDP'ê li Enqerê: Wêdebirina şaredarên me dê viyana me neguhere
Seroka Partiya Demokratîk a Gelan a Tirkiyê li Enqerê, wek berteka li hember kiryara hikûmeta vî welatî ya derheq wêdebirina şaredarên HDPyê li navçeyên curbicur got: Her çiqas şaredarên me wêde bibin, emê dîsa şaredarên xwe hilbijêrin.
Pakîze Sîmînlîoglû, Hevseroka Partiya Demokratîk a Gelan (HDP) li Enqerê di axiftinekê de bona protestokirina binpêkirina mafên gel ji aliyê hikûmeta Tirkiyê ve, bi taybet wêdebirina şaredarên ku ji aliyê gel ve hatine hilbijartin li navçeyên kurdnişîn ên Tirkiyê, got ku tevî van jikarderxistinan, kurdên Tirkiyê dê şaredariyên xwe hilbijêrin û vî karî berdewam bikin.
Simîlîoglu di civîna partiya xwe li Enqerê ji hikûmeta Tirkiyê re got: Em tu carî dest ji maf û destkeftên xwe bernedin. Emê bi paradayma xwe ya azadîxwazî û demokratîk bi ser bikevin.
Sîmînlîoglû sedema sereke ya qeyranên civakî, aborî û siyasî yên li Tirkiyê, siyasetên şerxwazî û bi şîdet yên hikûmeta Erdogan da zanîn û got, "Tirkiye ji rewşa welatekî veguheriye rewşa rejîmbûnê.
Wî siyaseta hikûmeta Erdogan ya wêdebirina şaredarên HDPyê li navçeyên kurdnişîn, nîşana qeyrana hikimdariya vê hikûmetê da zanîn.
