Reşnivîsa lihevkirina şeş partiyên Opozîsyona Tirkîyê hat weşandin
Serokên şeş partîyên Opozîsyona Tirkîyê reşnivîsa lihevkirinnameya sîyasetên hevpar a Hevalbendîya Millet’ê weşandin û garantî dan ku heke di hilbijartinên Tirkîyê da bi ser kevin, Tirkîyê bizivirînin projeya Amerîkayê ya çêkirina balafirên cengê yên F-35’ê û biryarên Dadgeha Mafên Merivan a Ewropayê bi cih bînin.
Serokên şeş partîyên Opozîsyona Tirkîyê reşnivîsa lihevkirinnameya sîyasetên hevpar a Hevalbendîya Millet’ê weşandin ku vegerandina Tirkîyê nav projeya Amerîkayê ya çêkirina balafirên cengê yên F-35’ê û bicihanîna biryarên Dadgeha Mafên Merivan a Ewropayê ji wan mijarên herî girîng ên di wê da ne.
Di reşnivîsa lihevkirinnameya sîyasetên hevpar a Hevalbendîya Millet’ê 9 babet wek mijarên sereke û zêde ji 2 hezar xalên cûr bi cûr têkildarî sîyaseta hikûmetê û hin rêyên birêvebirina welêt cî girtine.
Serokên Opozîsyona Tirkîyê di vê lihevkirinnameyê da soz dane ku desthilata Serokkomar a biryardanê bi dawî bînin.
Her Serokkomarek dikare bo dewreke heftsalî were bijartin, paşê ji partîya xwe tê wêdadayîn û piştî bidawîhatina dewra serokkomartîyê idî nikare bizivire qada sîyasetê.
