Serokomarê Kûbayê gihîşte Tirkîyê
Mîgoêl Maryo Dîyaz Kenêl Bêrmûdêz (Miguel Díaz-Canel) Serokomarê Kûbayê şeva buhurî gihîşt Tirkîyê.
Li gorî nûçeya Rojnameya Akşam'ê, Miguel Díaz-Canel li gorî gazîkirina Receb Teyyîb Erdogan Serokomarê Tirkîyê bi merema hevdîtina fermî seredana Tirkîyê kirîye. Ew destpêkê li Enqereyêçû mezargeha Mistefa Kemal Atatirk xîmdanerê komara Tirkîyê.
Paşê Erdogan li qesra serokkomartîyê ya Bêştepeyê bi awayekî fermî derket pêşwazîya Serokomarê Kûbayê.
Seredana Serokkomarê Kûbayê ya Tirkîyê seredaneke durojî ye ku hevgavê salvegera 70î ya destpêbûna peywendîyên dîplomatîk ên di navbera Tirkîye û Kûbayê da pêk tê. Çaverêtî heye ku her du alî ji bilî peywendîyên dualî meseleyên herêmî û cîhanî û di serî da yên Amerîkaya Latîn û Karayîbê hilkolînin.
