Vexwendina Balyozê Yewnanîstanê bo wezareta derve ya Tirkiyê
Wezareta Karên Derve ya Tirkiyê, li ser berteka çekdarkirina giravên Egeyê ji aliyê Amerîkayê ve, gazî balyozê Yewnanîstanê kir.
Li gorî nûçeya ajansa IRIB Newsê, rayedarên Wezareta Derve ya Tirkiyê bang li balyozê Yewnanistanê li Enqerê Hristodolos Lazaris kir û daxwaza rawestandina çekdarkirina giravên neleşkerî li deryaya Egeyê kir.
Wezareta Derve ya Tirkiyê jî ji Amerîkayê re notayeke nerazîbûnê şand û daxwaza rêzgirtina ji statuya giravên rojhilatê deryaya Egeyê û standina tedbîran ji bo rêgirtina li şandina çekan bo van giravan kir.
Rageşiya di navbera Tirkiye û Yewnanistanê de ji dawiya Tebaxa îsal ve gihîşt asta herî bilind, bi îdiaya Tirkiyê ku sîstema esmanî ya S-300 ya Yewnanistanê li firokeyên wê girtiye, lewra Tirkiyê li ser vê pirsê li cem NATO, Neteweyên Yekbûyî û Yekîtiya Ewropayê der barê encamên çalakiyên provokatîf yên Yewnanistanê de gilî kir û Atînayê hişyar kir.
