Serokomarê Tirkiyeyê ji bo beşdariya li Lijneya Giştî ya 77emîn a NYê gihîşte Amerîkayê
Serokomarê Tirkiyeyê, Receb Teyib Erdoxan bi balafira taybet a "TC-TRK"yê va gorî saeta Tirkiyeyê di 09.30yî da bi armanca ku beşdarî Lijneya Giştî ya 77emîn a Neteweyên Yekbûyî bibe gihîşte New Yorka Amerîkayê.
Li gorî nûçeya Ajansa Anatoliyê, Nûnerê Daîmî yê NYê yê Tirkiyeyê Ferîdun Sînîrlîoglu û Balyozê Waşîngtonê yê Tirkiyeyê Hasan Murat Mercan li Balafirgeha Navneteweyî ya John F. Kennedy hatin pêşwaziya Receb Teyib Erdoxan.
Bi Serokomarê Tirkiyeyê ra xanima wî Emîne Erdogan, Wezîrê Xezîne û Darayiyê Nureddîn Nebatî, Wezîrê Parastina Neteweyî Hulusî Akar, Wezîrê Bazirganiyê Mehmet Muş, Serokê Teşkîlata Îstixbarata Neteweyî Hakan Fîdan, Serokê Pîşesaziya Parastina Serokomariyê Îsmaîl Demir, Serokê Ragihandina Serokomariyê Fahrettîn Altun, Berdevkê Serokomariyê Îbrahîm Kalin û Alîkarê Serokê Giştî yê AK Partiyê û Berdevkê AK Partiyê Omer Çelîk jî çûn Amerîkayê.
Serokomarê Tirkiyeyê, Receb Teyib Erdoxan di çarçoveya serdana xwe da wê beşdarî Lijneya Giştî ya 77emîn a Neteweyên Yekbûyî bibe.
