38 çalakiyên siyasî yên kurd û endamên HDP'yê hatin girtin
Hêzên polîsê Tirkiyê bi êrîşa li ser malên 38 çalakên siyasî û çandî yên kurd û endamên Partiya Demokratîk a Gelan (HDP) ew girtin û kesên li malê dan ber lêdanê.
Di êrîşa berbangê ya polîsê Tirkiyê li ser malên çalakên siyasî û çandî yên kurd li Edene û Amedê da, hejmareke zehf a endamên Partiya Demokratîk a Gelan (HDP) ji wan Hêlîn Kaya û Mehmet Karakîş hevserokên vê partiyê li Edeneyê hatin girtin.
Ofîsa dozgeriya Edeneyê di çarçoveya lêkolînên destpêkirî li dijî Encumena Çand û Hunera Binefş ku gelek çalakên siyasî, çandî û hunermendên kurd endamê wê ne, biryara girtina 38 kesan da.
Gelek ji van kesan di êrîşa berbanga Duşemê ya hêzên polîs li ser malên wan li Edene û Amedê hatin girtin.
Li gorî gotina şehedan, hêzên polîs deriyên malên van kesan şikandin û welatî dan ber lêdanê. Her wiha kesên li nav malan jî ketine ber lêdan û tundiyê.
