Li parêzgeha Amedê di êrîşa çekdarî de 2 kes hatin kuştin û 3 kes jî birîndar bûn
Li parêzgeha kurdan a Amedê li Tirkiyê di erîşeke çekdarî de 2 kes hatin kuştin û 3 kes jî birîndar bûn.
Li navçeya navendê Rezanê ser bi parêzgeha Amedê, li dijî otombîlekê ku 5 kes tê de bûn êrîşeke çekdarî hat kirin.
Di encama êrîşê de ji heman malbatê 5 kes birîndar bûn. Li ser agahdarkirinê tîmên tendirustiyê û hêzên cendirme bo cihê bûyerê hatin şandin.
Birîndar ji aliyê tîmên tendirustiyê ve bo nexweşxaneyeke taybet hatin veguhestin, lê tevî midaxeleya li nexweşxanê 2 kesan canê xwe ji dest da.
Piştî midaxeleye destpêkê li nexweşxana taybet 2 birîndar bo Nexweşxana Pizîşkî ya Zanîngeha Diclê hatin veguhestin û birîndarek jî bo Nexweşxana Perwerde û Lêkolînê ya Gazi Yaşargil hat veguhestin.
Hêzên ewlehiyê ji bo desteserkirina êrîşkaran dest bi xebatê kirin.
