Darayîyên 91 çalakên sîyasî û endamê HDP ku fermana desteserkirina wan di çarçova dosîya nerazîbûnên Kobanîyê da hatibû dayînê, ligorî fermana dozgerîyê hatin bilokekirin.

Ligorî rapora Ajansa Nûçeyan a Mezopotamyayê, Dozgerîya Giştî ya Enqerê di çarçova lêpirsînên dadwerîyê yên Pêla Duyê ya Kobanê da, çend rojan berî nika fermana desteserkirina 91 çalakên sîyasî û endamên HDP da ku ligorî wê heta nika herîkêm 48 kes ji wan hatine desteserkirin. Dozgerîyê jî duh fermana bilokekirina darayîyên wan 91 kesan da. 

48 çalakên sîyasî û endamê HDP ku li şarên Wan, Amed, Adana, Stenbol û Rihayê hatibûn desteserkirinê, jibo derbaskirina qonaxên qanûnî, dayîna îfadeyan û amadebûna li dadgehê ber bi Enqerê va hatin şandin. Herwiha hikma desteserkirina demkî ya wan kesana 4 rojan hat dirêjkirinê. Di nava kesên hanê da, hin şaredarên berê yên HDP û herwiha endamên pillebilind û rêvebirên çiqên pparêzgehan ên vê partîyê jî xûya dikin.