Li Diyarbekirê di otobusa rêwiyan da 28 kîlogram esrar hat qefaltin
Çile 23, 2022 12:23 Asia/Tehran
Li Diyarbekirê di otobuseke rêwiyan da 28 kîlogram esrara hûr hat qefaltin û kesek hat binçavkirin.
Li gorî rapora ajansa Anatoliyê, Walîtiya Diyarbekirê daxuyanî da û ragihand ku ekîbên Midûriyeta Şaxa Têkoşîna Dijî Sûcên Organîze û Qaçaxçîtiyê ya Fermandariya Cendirme ya Bajêr bi armanca rê li bazara hişbirê bibire, xebatên xwe didomîne.
Di vê çarçoveyê da li ser rêya Şanliurfa-Diyarbekirê texma Încehidira Erganiyê ku di bin berpirsyariya cendirmeyan da ye otobuseke rêwiyan hat sekinandin. Bi seyên narkotîk va kontrol hat kirin.
Di hundirê sarincokeke biçûk a bagaja otobusê da ku ya Î.B. (44) bû da 28 kîlogram esrara hûr hat qefaltin.
Î.B. hat binçavkirin û muemeleyên der heqê wî da dewam dikin.
