Serdana Erdogan bo Tirkmenistanê
Serokomarê Tirkiyê bi serdaneke fermî çû Eşqabadê paytexta Tirkmenistanê.
Li gor nûçeya TRTê, Serokomarê Tirkiyê ji bilî beşdarbûna di 15emîn comcivîna Bilind a Rêxistina Hevkariya Aborî (ECO) de, ku biryar e di 28ê Mijdarê de were lidarxistin, dê bi rayedarên welatên beşdarê vê comcivînê re jî hevdîtinê pêk bîne .
Komcivîna ECOyê wê bi slogana "Hemû bi hev re Ber bi Pêşerojê" ve û bi serokatiya Serokomarê Tirkmenistanê Qurbanqulî Berdîmuhemedov li dar keve.
Serokomarê Tirkiyê Receb Teyib Erdogan dê serokatiya dewrê ya ECOyê radestî Serokê hikûmeta Tirkmenistanê Berdîmuhemedov bike.
Her sê welatên Îran, Pakistan û Tirkiyê di sala 1962 de yekem car ev sazî bi navê “RCD” ango “Rêxistina Hevkariya Avakirinê ya Herêmî” pêk anîn.
Piştî hilweşîna Yekîtiya Sovyetê, Afganîstan, Komara Azerbaycanê, Qazaxistan, Turkmenistan, Qirgizistan, Uzbekistan û Tacîkistan jî tevlî ECO bûn.
