Yek ji leşkerên di ketina helîkoptera Tirkiyê de mir Fermandarê Artêşê yê 8’an e
Yek ji leşkerên di helîkoptera Tirkiyê de ku li navçeya Tetwan a Bedlîsê ketibû xwarê miribiye Fermandarê Artêşê yê 8’an a Xarpêtê Korgeneral Osman Erbaş e. Parlementerê AKP’ê Tolga Agar ev mesela eşkere kir.
Li herêma Rahova ya Tetwan a Bedlîsê helîkoptereke leşkerî ket xwarê.
Li gorî çavkaniyên Tirkiyê, 9 leşker mirin, 4 jî birîndar bûn. Di nava leşkerên mirî de fermandarên payebilind jî hene.
Piştî ketina balafira leşkerî ya li nêzî Girtîgeha Vekirî ya navçeya Tetwan a Bedlîsê û şûnde navê leşkerên mirî diyar dibin.
Parlementerê AKP’ê yê Xarptê Tolga Agar li sre hesabê xwe yê fermî ragihand ku yek ji leşkerên payebilind yê mirî Fermandarê Artêşê yê 8’an a Xarpêtê Korgeneral Osman Erbaş e.
Cihê ku helîkopter ketiye xwarê gelek tîmên AFAD û tenduristiyê birine wê derê.
Heta niha sedema ketina helîkopterê nehatiye zelalkirin.
