Li Geverê ji ber berfê bihayê êmê pez û dewaran giran bû
Li navçeua Geverê ya Colemêrgê li başûrê rojhilatê tirkiye barîna berfa zêde pirsgirêk bo xwediyê ajelan çêkiriye. Buhayê êmê pez û dewaran li bazarên Geverê zêde bûye.
Li gor ragihandina Rûdawê, Ji ber barîna berfê, li deşt û mêrgên Geverê û derdora wê, zehmetî bo xwediyên ajelan derketiye, ji ber ku buhayê êmê pez û dewaran zêde bûye. Tevî daketina pileyên germînê jî heta niha pez û dewarên xelkê li mêrg û deştê ne. Şivan dibêjin, êm gelekî giran bûye, eger pez û dewar vegerînin axuran wê ziyaneke zêde bigihe wan, ji ber vê heta niha jî ew li deşt û zozanan mane.
Pêle berfê çiyayên Cîlo û Satê, Çarçela û Nihêl û Deşta Geverê bi kirasê xwe yê spî pêçaye. Gevera kurdan li kêleka hemû bedeviyên xwe navdar e bi sir û sermayê. Şivan dibêjin ji ber ku giya û êmê pez kêm e heta rojekê ew pêzê li derve bi çerînin her baş e.
Pêlên berfê li deverên kurdî yên Anaduloya rojhilatê bi tayebtî li devera Colemergê gelek caran dibe sedem ku bi rojan rêyên gund û navçeyan girtî bimînin.
