NY: Bi soza welatîbûnê çete birine şerê Qerebaxê
Pisporên Neteweyên Yekbûyî (NY) der barê şandina komên çeteyên Sûriyê bo Qerebaxê de got, “Ew kesên şandine Qerebaxê soz dane wan ku nasnameya Tirkiyê bidine wan û heke tiştek bête serê wan jî dê dewleta Tirkiyê nasnameya welatîbûnê ya Tirkiyê bide malbatên wan.”
NYê der barê komên çeteyên dewleta Tirkiyê yên ji Sûriyê ji bo şerê Qerebaxê hatine şandin de daxuyaniyek da.
Peyvdarên Koma Xebatê ya NY’ê Chris Kwaja, Jelana Aparac, Lilian Bobea, Ravindran Daniel û Sorcha Macleod der barê bikaranîna leşkerên kirêgirtî de daxuyaniyek weşand û hate bibîrxistin ku Tirkiyê komên çeteyan ji bo şerî wek leşkerên kirêgirtî şandine Qerebaxê û bang li Tirkiyê hate kiirn ku demildest van komên çeteyan paşve bikîşine.
Di daxuyaniyê de rexne li Tirkiyê hatin kirin, metirsiya ji şandina komên çeteyên Sûriyê bo şerê Qerebaxê hate bilêvkirin û weha hate gotin: “Koma Xebatê ya Neteweyên Yekbûyî piştrast kiriye ku Hikûmeta Azerbaycanê çeteyên ku dewleta Tiriyêk bo hawara wan şandine di sengerên pêş ên şerî de bi kar anîne.
Ji ber rewşa aborî ya kambax li Sûriyê van mirovan xwe ber destê desthilata Tirk ve berdaye û daxwaza wan aniye cih. Her weha dewleta Tirk ji wan re soz daye, heke di şerî de bêne kuştin dê nasnameya Tirkî bidine malbatên wan.”
Di dewama daxuyaniyê de hate bibîrxistin ku dewleta Tirk heman rêbaz ji bo Lîbyayê jî bi kar aniye û bang li dewleta Tirk hate kirin ku demildest van komên çete paşve bikişîne.
