Rûsyayê îdiayên Erdogan ên tevlêbûna Tirkiyê di hêzên parastina aştiyê de li Qerebaxê red kirin
Mijdar 12, 2020 09:45 Asia/Tehran
Îro Rûsyayê bersîva îdiayên Serokkomarê Tirkiyê Receb Teyib Erdogan da û got hêzên Tirkiyê wê tev li hêzên parastina aştiyê ya li Qerebaxê nebe.
Kremlînê piştast kir ku daxuyaniya sêalî ya serokên Rûsya, Komara Azerbaycan û Ermenistanê îşaret bi tevlêbûna hêzên Tirkiyê di hêzên parastina aştiyê de ya li herêmê nekir. Lê Enqere israr dike ku dê hêzên wê tev li parastina aştiyê li Qerebaxê bibe.
Serokomarê Tirkiyê di demek berê de gotibû: “Tirkiyê dê li rex Rûsyayê cih di hêzên parastina aştiyê li Qerebaxê de bigire.”
Her wiha berdevkê serokatiya Rûsyayê Dmitry Peskov di kongreyek çapemenî de diyar kir ku her sê aliyan Rûsya, Komara Azerbaycan û Ermenistanê li ser hebûna leşkerên Tirkiyê li Qerebaxê li hev nekirine.
