SAHAR

Serokomarê Ermenistanê Armen Sarkissian got: Tirkiye astengiya sereke li pêşiya çareseriya aştiyê ya li Qerebaxê ye.

Sarkissian di hevpeyvînek digel tora Amerîkî "CBN News" de got: "Heke Tirkiye ji çerxa giştî neyê derxistin, dê rewş pir dijwar bibe ku bi danûstandinan bigihîjin çareseriyeke aştiyê û vegerin ser maseya danûstandinê di çarçoveya koma Minsk ya Rêxistina Ewlehî û Hevkariya Ewropî de."

Her wiha got: "Tirkiye niha li pêş pêvajoya aştiyê astenga herî mezin e. Heger ev her wisa berdewam bike, wê ji herêmê kesên din jî tev li pevçûnê bibin û dê bibin mîna Sûriyeke din."

Li gorî Sarkissian, "Heke Tirkiye neyê sekinandin, wê rewşa li Qafqasyayê pir bêîstîqrar bibe."