Peyamên bi gef ên Amerîkayê bo Iraqê; Malikî li ber xwe dide
Berbijartiya Nûrî Malikî ji bo posta serokwezîrtiya Iraqê bûye mijareke aloz û dervey sînorên navxweyî.
Berbijartiya Nûrî Malikî, serokê hevpeymaniya Dewleta Qanûnê ji bo bidestxistina dubare ya serokwezîrtiyê li Iraq bûye ceribandineke giring ku tê de hevsengiya hêzê di navbera Waşingtonê, li dijî vê berbijartriyê ye û şiyana partiyên Şîe jibo dasepandina ev hilbijartina xwe di halê ceribandinê ye. Wezareta Derve ya Iraqê ragihand ku peyameke Amerîkî ji Bexdayê re hatiye şandin ku tê de gefên cihanîna boykotan li dijî hin kes û saziyên Iraqî û sînordarkirina hevkariya di navbera Bexda û Waşingtonê cih digrin. Hin rayedarên hevpeymaniya Dewleta Qanûnê" tekez kirine ku Malikî dê li ser berbijartiya xwe îsrarê bike û nûçeyên derbarê vekişîna wî tenê beşek ji şerê psîkolojîk û propagandayê ye.
Ew tekez dikin ku guhertina berijar tenê bi rêkeftina navxweyî ya çarçoveyê be, ne di bin zexta peyamên biyanî de.
Selam Zubêydî endamê hevpeymaniya Nesr got ku di pêşerojê de ti hikûmet an serokwezîr li Iraqê dê nikaribe bi tena serê xwe li himber gef û boykotên Amerîkayê raweste bi taybetî di rewşa aloz a siyasî û aborî ya niha li Iraqê de.
Ew di vê bawerê de ye ku pêvajoya siyasî li Iraqê gihîştiye asta herî bilind a astengkirinê û gefa boykotan pirsgirêkek mezin e ku hewceyê yekdengî û hevahengiya di navbera hemî komên siyasî de ye.
Ebas Ewadî lêkolînerê siyasî li Iraqê, jî got ku çarçoveya hevahengiyê bi pirsgirêkek cidî re rû bi rû ye û heke ew nikaribe biryara xwe di wexteke gucaw de ide, renge hevsengiya xwe ya navxweyî ji dest bide . Wî pêşbînî kir ku hevpeymanî, ji ber rastîbiniya siyasî, dê vebijarkek navîn ji bo parastian hevsengiyê hilbijêre da ku him ji zextên amerîkî xelas bibe û him jî wek işkestxwariyan neyê xûyanê.
