Artêşa Tirkiyê û PKK derheq şerê li hemberî hevdu daxuyaniyên newekîhev didin
Wezareta Berevaniyê ya Tirkiya ragihand ku 5 endamên PKK di encama opersyoneke wan li herêma Metînan li Herêma Kurdistanê canê xwe jidest dane. Navenda Ragihandin û Çepemeniyê ya PKKê jî ragihand ku li navçeya Gever a Colemêrgê li başûrê rojhilatê Tirkiyê êrişî wesayîteke zirxî ya artêşa Tirkiyê kirine û hejmareke leşker hatine kuştin.
Li gorî daxuyaniya Wezareta Berevaniya Tirkiyê, hêzên PKKê li herêma Metînan di amadebaşiyê de bûn bo encamdana çalakiyan, lê berî ku çalakiyan encam bidin ji aliyên balafirên wan ve hatine aramnckirin.
Wezareta Berevaniya Tirkiyê dibêje di wê êrişê de 5 gerîlayên PKKê canê xwe ji dest dane.
Ji aliyê din ve Navenda Ragihandin û Çepemeniyê ya Hêzên PKKê li ser operasiyonên hêzên xwe û êrîşên artêşa Tirkiyê daxuyanî da û ragihand ku hêzên wan 25ê Tebaxa 2020an li dijî wesayîta zirxî ya artêşa Tirkiyê li avçeya Geverê ya Colemêrgê çalakiyek pêk anîne.
Li gor daxuyaniyê di vê çalakiyê de wesayît bi temamî hate jinavbirin û hejmarek leşker hatin kuştin û birîndarkirin, lê ew hejmar nehate zelalkirin.
Herwiha HPG dibêje êrişên artêşa Tirkiyê li herêma Zapê Xakûrkê berdewam in.
Roja 27 Tebaxa 2020 Wezîrê Berevaniya Tirkiya Hulusî Akar di hevpeyvîneke taybet li gel medyaya welatê xwe de ragihand ku ji dema destpêkirina opersyonên wan ên vê dawiyê li Herêma Kurdistanê 320 gerîl bûne armanc û canê xwe jidest dane.
PKK jî li gorî amarên dawî ku ragihandiye karîne derdora 300 leşkerên Tirkiya li başûrê Kurdistanê bikujin.
