SAHAR

Rêberê partiya Seadetê ya Tirkiyê bi rexnekirina hikûmeta vî welatî ji ber ku bargeha Încirlîkê daye ber destê Amerîkayê û got: Bi vî karî teror ne li Tirkiyê ne jî li navçê de nagihêje dawiyê.

Mistefa Kamalak serokê partiya Îslamxwaz a Seadetê îro li hevpeyvîna xwe bi nûçegihanan re got: riya çareseriya terorê li Tirkiyê pêkanîna sîstema adilane a huqûqî, damezirandina aştiya navxwe, hebûna aboreke aktîv, zêdekirina îxracata kelûmelan û xebata li dij gendeliya aborî û bertîlstandin û roşwetxwarinê ye. Wî her wiha got: riya din a girtina pêşiya terorê li Tirkiyê pêkanîna rewşa lihevkirinê û biratiyê di navbera gelên curbicur ên Tirkiyê ye, ne ku bihêlin bila Amerîka ji bargeha Încirlîkê îstifade bikin .
Kamalak desnîşan kir ku li mideha 20 salên bihûrî zêde ji 50 hezar kesan di encama kiryarên terorîstî jiyana xwe ji dest dane û got: Tirkiye ji ber berdewamiya şer û pevçûnên navxwe her sal 15 milyard dolaran ziyanê dike , heke ev pera ji bo pêşxistina welêt xerc dibû, bi yeqîn gelek pirsgirêk çareser dibûn.
Rêberê partiya îslamxwaz a Seadetê ya Tirkiyê bal kişande ser vê yekê ku li gor proja amerîkî ya ''Rojhilata Navîn a Mezin'' divê Tirkiye jî were perçe kirin , vêca ber bi eskerên Amerîkayê got: We ku dil heye Tirkiyê perçe bikin û niha hêzên we ên eskerî di nav axa Tirkiyê damezirîne, gelo hûn fikir dikin ku bi damezirandina van hêzan xwe li Tirkiyê de, pêşî li teror û terorîzmê tê girtinê û teror kuta dibe.