Medyayên erebî tevî rexnegirtina li sîyasetên aborî yên hikûmeta demkî ya Sûrîyê, derbarê radestkirina projeyên stratejîk di beşên enerjî, neft, tranzît, cotkarî û pîşesazîyê da bo şirketên erebî û biyanî û dûhatên wê bo aboriya navxweyî û xetera berfirehbûna şîdetên tayfetî û îhtimala qewimîna pevçûna navxweyî hişyarî dan.

Rojnameya En-Neharê tekez kir ku xetera li pêşberî Sûrîyê tenê bi çalakîya komên rêkxistinkirî û vegerandina DAIŞê sînordar nabe, belkî berfirehbûna gotinên nefrethêner û hestên tolhildanê jî ji hokarên gefxwarina li aramîya vî welatî ne.

Di warê aborî da jî, rojnameya El-Exbarê di raporekê da nivîsî: Bazara Sûrîyê li dewra demkî di halê rêkxistina ducare da ye, lê projeyên têkildarî enerjî, neft, tranzît, av, tenduristî, cotkarî, pîşesazî û geştyarîyê bo şirketên biyanî hatine radestkirin. Vê rojnameyê tevî rexnegirtina li vê pêvajoyê, derbarê dûhatên wê bo beşên aborî yên navxweyî û cîgeha şirketên sûrî nîgeranîya xwe dîyar kir.