SAHAR

Artêşa Tirkiyê û grûpên çete yên alîgirên wê hejmarek ji gundên herêma Hesekê ya Sûriyê topbaran kirin.

Li gor zanyariyên xwecihî ji Cizîra bakur û rojhilatê Sûriyê, artêşa Tirkiyê û çeteyên wê, yên ku navê “Artêşa Niştimanî ya Sûrî” lê kiriye, gundê Til Werd ê ser bi gundewarê parêzgeha Hesekê topbaran kir û di encamê de, leşkerekî Artêşa Sûrî, bi navê Basil Mihemed Salih hate kuştin û 5 leşkerên din jî, birîndar bûn.

Hevdem gundê Xirbet Şiîr, Rebîaat û Ebbûş ên ser bi nahiyeya Zirgan jî hatin topbarankirin.

Ev topbaran di demekê de bû ku, gundê Aqîbê yê ser bi nahiyeya Şêrawa li gundewarê Efrînê hate topbarankirin û di encamê de 2 zarok birîndar bûn.