Girankirina êrişên dagirkirên Siyonîst li Perava Rojava
Hêzên dagirkir ên siyonîst, îro di berdewamiya êrişên xwe yên li ser herêmên curbicur ên Perrava Rojava Çemê Urdinê de, êrîş û girtinan pêk anîn û li gelek navendan jî şer derket.
Hevgavê berdewamiya destdirêjiya artêşa Siyonîst ser Perrava Rojava Çemê Urdinê, hêzên dagirkir îro danê sibê êrişî kempa El Fewarê li başûrê Elxelîlê kirin û dest bi gerîn û girtina filistîniyan kirin. Hêzên dagirkir piştî êrişa ser malan û rûxandina kempê 6 kes ji wan çend dîlên ku serbest hatibûn berdan, girtin. Li Nablusê, îro danê sibê hêzên dagirkir êrişî vî bajarî kirin û êrişî mizgeft û goristanek li rojavayê wî bajarî kirin û ewana wêran kirin.
Hevdem di 31`emîn salvegera kuştina filistîniyan li mezargeha Îbrahîmî de, tevgera Hemasê tekez kir ku cinayetên Rejîma Siyonîst rewabûnê nade wan û ew jî nikarin li ser bihostek ji axa me bi desthilat bin. Hemasê herwiha tekez kiriye ku planên siyonîstan ji bo cihûkirin û avakirina bajarokan li Perrava Rojava Çemê Urdin û Qudsê rewatiyê nade wan û ev rejîma nikare îradeya gelê Filistînê û Berxwedanê têk bibe û îro di salroja vê karesatê de, Rejîma Siyonîst cinayetên xwe li seranserê Perrava Rojava û Qudsê zêde kiriye û li ser cîbicîkirina pîlanên xwe yên tundrew berdewam e.
