Lêjneya Hevpar a Parlimana Rejîma Sîyonîst (Knesset) şeva buhurî pêşnumaya jêstandina mafê welatîbûnê yê êxsîrên niştecihî Qudsê û erdên di sala 1948an da hatine dagirkirin, pesend kir.

Bi dû desthilatdarbûna kabîneya rastgir a tundrê li Tel Avîvê, kiryarên dijî filistînîyan, hêzên berxwedêr û êxsîrên filistînî giran bûne.

Li gorî rapora Ajansa Nûçeyan a Sema’yê ya Filistînê, medyayên Rejîma Sîyonîst ragihandin ku pêşnumaya jêstandina mafê welatîbûnê yê êxsîrên niştecihê Qudsê û erdên di sala 1948an da hatine dagirkirin, di dewra yekê ya rawêjkarîyê da bi 89 dengên erê himber 8 dengên na hat pejirandin.

Li gorî vê qanûnê, mafê welatîbûnê yê hemî êxsîrên ku miaş an hêsankarîyan ji “Teşkîlata Xwerêvebir a Filistînê” werdigirin, dê were ibtalkirin.

Di vê pêşnumayê da hatîye: “Wezîrê Karên Navxwe “Îtamar Bin Gvêr” divê di 14 rojan da jêstandina mafê welatîbûnê an mayîna wan êxsîrana erê bike û Wezîrê Dadwerîyê jî di 7 rojan da razîbûna xwe ser wê ragihîne û piştî wê, dadgehê 30 roj mecal heye ku bicihanîna hikmê hanê bipejirîne.