Reşandina gullan li navendeke leşkerî ya Rejîma Siyonîst
Ketîbeyên Cenîn ên girêdayî Seraya El-Quds baskê leşkerî yê tevgera Cîhada Îslamî ya Filistînê ragihandin ku wan xala kontrolê ya artêşa Rejîma Siyonîst li Şerîeya Rojava ya çemê Urdinê gullebaran kirine.
Li gorî rapora roja çarşemiyê ya kanala televîzyonî ya Filistîn El-Yewm, ketîbeyên Cenîn di daxuyaniyeke kurt de ragihandin: Şervanên Seraya El-Quds - Ketîbeya Cenîn li bajarê "Cebei" li başûrê bajarê Cenînê karîn nuqteyeke kontrolê ya gerok li deriyê rojhilatê vî bajarokê dan ber gullan û piştre bi silametî wir revîn.
Eva li halekê ye ku niştecihên Sûr Bahir, El-Tûr û Selwanê li bajarê Qudsê yê dagirbûyî bo sêyem şeva li pey hev bû cihê pevçûnên dijwar di navbera welatiyên filistînî û eskerên siyonîst de. Di pevçûnên şeva sêşemê de 15 ciwanên filistînî birîndar bûn.
Hevdem digel cejnên cihûyan û tirsa zêdekirina operasiyonên berxwedanê yên Filistînê, Rejîma Siyonîst hebûna xwe li şerîeya rojava ya çemê Urdinê bihêztir kir û ew navçe weke navçeyeke leşkerî ya girtî ragihand.
