Dîyarkirina roja civîna YNK û PDKê ji bo parvekirina postan
Berdevkê Yekitîya Niştîmanî ya Kurdistanê (YNK) ragihand ku civînên PDK û YNKê ji bo parvekirina postan yê roja şemîyê dest pê bibin û post ser 3 beşan hatine parvekirin.
Se`idî Ehmed Pîre Berdevkê YNKê ragihand ku me xwe ji bo şirîkatîya di hikimranîya li Herêma Kurdistanê amade kirîye, me desteya xwe agahdar kirîye ku vê carê ti valatîyekê nehêlin û em dixwazin di hikûmetê da bin û li ser hemî babetan li hev bikin.
Berdevkê YNKê herwiha got: Em çaverêyê vegera Qubad Talebanî ji Yûnanê bûn, ji roja 12ê Nîsanê va yê civînên desteyên YNK û PDKê ji bo parvekirina postan dest pê bibin.
Wî herwiha got: Post ser 3 astên serokatî, wezaretên birêvebirinê û wezaretên xizmetguzarîyê hatine parvekirin û dê ser wan lihevkirin pêk were.
Pîre herwiha got ku YNK pêgirîyê dike ku divê parvekirina postan ser bingeha hevsengîyê be.
