Mesûd Barzanî: "Gelê Kurdistanê bêrêziya li merceyiyetê napejirîne"
Li pey bûyerên Bexdayê û êrîşa ser ofîsa PDK'yê, Mesûd Barzanî bi daxuyaniyekê ragihand ku gelê Kurdistanê rêzeke taybet li merceyiyeta şîeyan digire û bêrêziya li merceyiyetê napejirîne.
Nayîf Kurdistanî ji kesayetiyên hevnêrîn di gel Partiya Demokrat a Kurdistanan Iraqê (PDK) roja Yekşemiyê twîteke pirr bi gengeşe û bêrêzane derbarê merceyên dînî yên ne-ereb weşand ku bû sebeba rabûna hêrsa komên şîe.
Hêzên Wezareta navxweyî ya Herêma Kurdistana Iraqê Nayîf Kurdistanî ji endamên Partiya Demokrat a Kurdistanan Iraqê (PDK) ji ber bêrêziya li merceyiyeta dînî, girt.
Li gorî rapora Kanala El-Cezîreyê, Hêzên Wezareta navxweyî ya Herêma Kurdistana Iraqê roja Duşemiyê qala girtina Nayîf Kurdistanî li pey weşandina vê twîta dijûnbar û bêrêzane kir û ragihand ku tevdîrên qanûnî derheqê Kurdistanî dê cih bên.
Ev di halekî da ye ku beriya vêya neraziyên li hemberî twîta Nayîf Kurdistanî li Bexdayê êrîşî ser ofîsa Partiya Demokrat a Kurdistanan Iraqê (PDK) li vî bajarî kir.
Li gorî çavkaniyên iraqî, li pey van bûyeran, Nayîf Kurdistanî bi weşandina twîteke din ji tiştên ku wek pêkhatina şaşfehmiyê ji ber twîta xwe ya berê derbarê merceyiyetê da zanîn, daxwaza lêborînê kir.
Di vî halî da, Partiya Demokrat a Kurdistanan Iraqê (PDK) bi daxuyaniyekê îdia kir ku Nayîf Kurdistanî endamê PDKyê nîne û tu têkiliyeke dûr an nêzik a wî din gel PDKyê ra tuneye û twîta wî nêrîna wî ya kesane ye.
Mesûd Barzanî Serokê Partiya Demokrat a Kurdistanan Iraqê (PDK) jî bi daxuyaniyekê tevî şermezarkirina êrîşa li ser ofîsa vê partiyê li Bexdayê ragihand ku gelê Kurdistanê rêzeke taybet li merceyiyeta şîeyan digire û bêrêziya li merceyiyetê napejirîne.
