Cemaeta Edaletê: Hin bîrên petrolê yên Herêma Kurdistanê radestî kompaniyên navneteweyî hatine kirin
Endamekî Fraksiyona Cemaeta Edaletê li Parlimana Iraqê ragihand ku hin bîrên petrolê yên Herêma Kurdistanê bi tamî radestî kompaniyên navneteweyî hatine kirin.
Soran Omer, ji endamên Fraksiyona Cemaeta Edaletê li Parlimana Iraqê bi weşantina postekê li nav torên civakî ragihand: Hegera van girêbestan hebûna pişk û parên berpirsên payebilind ên desthilata Herêma Kurdistanê li bîrên navbirî ye. Di encamê da ev kes bîran ji bo bidestxistina piştevaniya hin welatan radest dikin.
Soran Omer her wiha got: Hin welat jî wek navcî ji girêbestên navbirî sûd werdigirin. Her wiha hin kompaniyên mezin ên xwecihî di warê veguhestin, parastin û xizmetan hene ku ji van girêbestan derhatên zehf bi dest dixin û wan di navbera berpirs û kesayetiyên bibandor parve dikin.
Biryara Dadgeha Federal a Iraqê derbarê neqanûnîbûna çalakiyên petrolê yên Herêma Kurdistanê gengeşeyeke mezin di vî warî da pêk aniye.
