Barzanî li Hewlêrê bi Cîgirê Wezîrê Rûsyayê ra civiya
Mesûd Barzanî di hevdîtina bi Cîgirê Wezîrê Rûsyayê ra nêrîn û nîgeraniyên xwe yên derbarê pêşeroja gelê Kurd li Sûriyê gihandin Cîgirê Wezîrê Rûsyayê.
Kurdistan24ê nivîsiye: "Mesûd Barzanî roja 1ê Mijdara 2021ê pêşwazî li Cîgirê Wezîrê Derve yê Rûsyayê Mîkhaîl Bogdanov û şanda pê re kir."
Kurdistan24ê her wiha nivîsiye: "Di hevdîtinê de, Cîgirê Wezîrê Derve yê Rûsyayê silavên Serokê Rûsyayê Vladimir Putin û Wezîrê Derve yê Rûsyayê gihandin Barzanî û tekezî li ser pêgeha gelê Kurdistanê û rola Herêma Kurdistanê li Iraq û herêmê kir. Wî her wiha diyar kir ku bi nêrîna Rûsyayê, Herêma Kurdistanê roleke mezin li Iraqê dibîne û fakterê aramiyê ye.
Her di wê hevdîtinê de, rewşa siyasî ya Iraqê û hilbijartina Encûmena Nûneran a Iraqê ya Cotmeha borî hatin guftûgokirin.
Di beşeke din a hevdîtinê de, gefên terorê li ser aramiya herêmê hat guftûgokirin û her du alî hevnêrîn bûn li ser wê yekê ku pêwîst e hokarên derketina terorê ji rîşeyan ve bêne rakêşan.
Rewşa Sûriyê mijareke din a hevdîtinê bû û Barzanî nêrîn û nîgeraniyên xwe yên derbarê pêşeroja gelê Kurd li Sûriyê gihandin şanda mêvan."
