Nêçîrvan Barzanî û Wezîra Derve ya Swêdê li Hewlêrê civiyan
Serokê Herêma Kurdistanê Nêçîrvan Barzanî li Hewlêra navenda vê herêmê bi Wezîra Derve ya Swêdê Ann Linde û şanda pê re civiya.
Serokê Herêma Kurdistanê Nêçîrvan Barzanî pêşwazî li Wezîra Derve ya Swêdê Ann Linde û şanda ligel wê kir.
Duh Wezîra Derve ya Swêdê Ann Linde li Bexdayê bû û ligel Wezîrê Derve yê Iraqê Fuad Husên ji rojnamevanan re diyar kir: “Hikûmeta Swêdê hikûmeta Iraqê han dide ji bo encamdana çaksaziyan di warê aborî û hemû alî de ji bo seqamgîriya Iraqê. Herwiha em pabend in bi piştevanîkirina Iraqê di mijara rûbirûbûna DAIŞ û terorê de.”
Ann Linde destnîşan kir: “Swêd piştevaniya Iraqê dike ji bo parastina sînorên wê û pêşvebirina pêwendiyên ligel Yekîtiya Ewropayê.”
Wezîra Derve ya Swêdê Ann Linde piştî serdana xwe ya Bexdayê gihîşte Hewlêra paytexta Herêmê û ji aliyê Berpirsê Fermangeha Pêwendiyên Derve yên Hikûmeta Herêma Kurdistanê Sefîn Dizeyî ve hat pêşwazîkirin.
