Zaxo- Agir berbû kempeke kurdên Êzidî
Îlon 26, 2025 16:01 Asia/Tehran
Li Kampa Bacid Kendalayê ya li Zaxoyê agir berbû konan û di encamê da kesek birîndar bû.
Di encama vê agirberbûnê da 5 kon bi temamî şewitîn û kesek jî birîndar bû.
Berdevkê Birêvebiriya Parastina Sivîlan a Zaxoyê Evîndar Izet li koma nûçegîhanan ragihand ku şewat serê sibehê derdora saet 07an derketiye.
Evîndar Izet her wiha da zanîn ku wan kesê birîndar biriye nexweşxaneyê û rewşa wî ya tenduristiyê baş e. Sedema derketina şewatê hîn ne diyar e û rayedar li ser şewatê lêpirsînê dikin.
Kampa Bacid Kendalayê yek ji wan kampan e ku kurdên Êzidî yên ji Şingalê lê bi cih bûne.
