Serokê Herêma Kurdistana Iraqê gihêşte Duhayê paytexta Qeterê
Serokê Herêma Kurdistanê Nêçîrvan Barzanî bi serdaneke fermî gihîşt peytaxta Qeterê bajarê Duhayê û ligel Wezîrê Derve yê Qeterê û hejmarek berpirsên din ên vî welatî re civiya.
Wezîrê Derve yê Qeterê Mihemed Bin Ebdulrehman El Sanî di 25ê Adara 2021an de bi serdanekê gihişte Herêma Kurdistanê da ku vexwendineke fermî ji Mîrê Qeterê radestî Serokê Herêma Nêçîrvan Barzanî bike û ew jî serdana wî welatî bike.
Di bersiva vê vexwendinê de Serokê herêma Kurdistanê Nêçîrvan Barzanî îro Şemiyê 16ê Cotmeha 2021an bi serdaneka fermî gihîşt Duhayê paytexta Qeterê û bi germî jê pîewazî bû.
Wezîrê Veguhestin û Gihandinê yê Qeter Casim Bin Seyf Elsuleytî û Balyozê Iraqê yê Duhayê Omer Berzencî pêşwazî li Serokê Herêma Kurdistanê kirin.
Li gor daxuyaniya Serokatiya Herêma Kurdistanê di kombûnan de Nêçîrvan Barzanî pêşxistina peywendiyên Herêma Kurdistan û Qeterê li gel peywendiyên Iraq û Qeterê ya di warê siyasî û warên alîkariya hevbeş bi taybetî jî li kertên bazirganî û pîşesazî û derfeta sermayeguzarî û weberhênana Qeterî li Herêma Kurdistan û Iraqê de û rewşa Iraq û navçeyê bi giştî û çend pirseke din ê girîng û hevbeş guftûgo dikin.
Vekirina konsulusxaneya Qeterê li Hewlêrê û têkiliyên navbera Herêma Kurdistanê, Îraq û welatên deverê li gel Emîr û berpirsên wê hat gotûbêjkirin.
Şêwirmendê Serokê Herêma Kurdistanê Felah Mistefa ji got: "Emîrê Qeterê, serokwezîr, Wezîrê Navxwe, Wezîrê Derve û Cîgirê Serokwezîr û di civînê de amade dibin û mebest bihêzkirina pêwendiyên Herêma Kurdistanê û Qeterê ye û peywendiyên siyasî û aborî yên Iraqê bi Qeterê re gotûbêj bikin".
