Bexdayê têkiliyên rasterast ên Amerîkayê bi Herêma Kurdistana Iraqê re rexne kir
Wezareta Niftê ya Iraqê ragihand ku hevkariya rasterast di navbera şîrketên Amerîkî û Herêma Kurdistana Iraqê bêyî çavdêriya Bexdayê û saziyên wê yên fermî li dijî destûra bingehîn û qanûnên din ên heyî yên vî welatî ne.
Wezareta Niftê ya Iraqê îro ragihand ku ew ji hevkariya bi şîrketên Amerîkî re ji bo pêşxistina meydanên nift û gazê yên Iraqê pêşewzaiyê dike û her tim di vî warî de hewil dide. Lê ev hevkarî dê bi rêya têkilî û peymanên rasterast li gorî destûra bingehîn a Iraqê û biryarên dadgeha federal were kirin.
Wezareta Niftê ya Iraqê her wiha tekez kir ku têkiliya rasterast a şîrketên amerîkî bi Herêma Kurdistana Iraqê re bêyî hevahengiya bi hikûmeta federal û kanalên wê yên fermî re li dijî destûr û qanûnên heyî yên Iraqê ye.
Berpirsên Hikûmeta Herêma Kurdistana Iraqê çend roj berê, ragihandin ku wan peymanek bi şîrketên niftê yên Amerîkî re îmze kirine da ku meydanên gazê li parêzgeha Silêmaniyê pêşve bibin. Ev di halekê de ye ku wan ji Bexdayê li ser vê yekê ti rêkeftinek wernegirtiye.
