Nuceba: Bona ku em têkevin meydana qezeyê, em li benda amajeyekê ne
Sekreterê Giştî yê Tevgera Neceba ya Iraqê di gotûbêja bi rêberên Hemas û Cîhada Îslamî ya Filistînê de got ku ev grûpa berxwedanê amade ye bikeve meydana şerê Qezeyê û dê her cure alîkariyekê raber bike.
Şêx Ekrem El-Kebî, Sekreterê Giştî yê Tevgera Nucebaya Iraqê îro Duşemî di peywendiyeke telefonî bi Îsmaîl Heniye, Serokênivîsgeha Siyasî ya Hemasê û Ziyad Nexale, Sekreterê Giştî yê Tevgera Îslamî ya Filistînê re ser amadebûna Nucebayê ji bo her alîkariyê û her wiha ji bo derbasbûna kesên xwebexş bo şehadetê nav Qezeyê teqez kir.
Sekreterê Giştî yê Tevgera Berxwedana Îslamî ya Nucebayê di pêwendiyeke telefonî bi berpirsê nivîsgeha siyasî ya Hemasê, operasyona bahoza Eqsayê pîroz kir û got: We bi vê serketina mezin û derbeya nişkêveyî ku li dijmin xist bûn sedema dilgermiya umeta îslamê û hemî cîhanê.
El-Keibî amadetiya tam ya tevgera Nucebayê ji bo piştgiriya herî zêde ji berxwedana Filistînê ragihand û got: Li gorî peymana ku me girêdaye , em bi hemû çekên xwe bi hêza mirovî û îmkanata xwe piştgiriya we dikin û em amade ne her çawa ku ku hûn mesilhet bizanin emê alîkariyê bidin.
