Sûdanî: “Helwesta Iraqê têkildarî meseleya Filistînê naguhere”
Serokwezîrê Iraqê di hevdîtina digel Serokwezîrê Teşkîlata Xweîdareker a Filistînê da pêgirî kir ku helwesta Bexdayê têkildarî meseleya Filistînê misoger e û naguhere.
Serokwezîrê Iraqê “Mihemed Şîya Sûdanî” di hevdîtina digel Serokwezîrê Teşkîlata Xweîdareker a Filistînê “Mihemed Eştîye” da ku li rex Konferansa Ewlehîyê ya Mûnîxê pêk hat, pêgirî kir ku helwesta Bexdayê têkildarî meseleya Filistînê misoger e û naguhere û Iraq piştgirîyê dide doza gelê Filistînê.
Sûdanî û Eştîye her wiha di vê civînê da derbara rewşa herêmî û navneteweyî û pirsgirêkên aborî û emnî yên navçeyê da gotûbêj kirin.
Serokwezîrê Teşkîlata Xweîdareker a Filistînê Mihemed Eştîye jî pêgirî ser girîngatîya pêşxistina peywendîyên her du alîyan kir û ji ber helwesta Bexdayê ya piştgirîya ji ewlehî û istiqrara mayinde li herêmê destxweşî li Iraqê kir.
Dewra Pêncî û Nehan a Konferansa Ewlehîyê ya Mûnîxê ji îro va dest pê bûye û yê heta 19ê Sibatê bidome.
