Mistefa Kazimî serokwezîrê Iraqê roja Şemiyê di gotûbêja telefonî bi Mehmûd Ebas serokê Rêxistina Xwerêveber a Filistînê da tekezî li ser helwêsta neguhêr a Bexdayê di mijara Filistînê û gelê wê da kir.

Li gorî rapora IRNAyê, Mistefa Kazimî di vê gotûbêjê da tevî tekeziya li ser kûrbûna pêwendiyên dîrokî û civakî yên Iraqê tev Filistînê, hatina cejna bimbarek a Qurbanê li filistîniyan pîroz kir û pêwendiyên dîrokî-civakî yên du gelan sebeba lihevnêzikkirina du miletên dost da zanîn.

Serokwezîrê Iraqê li ser helwêsta neguhêr a Iraqê derheqê meseleya Filistînê tekez kir û ji bo iraqî, filistînî û gelên din ên navçeyê hêviya rihetî û aramiyê kir.

Di dora nû ya alûgorên têkildarî piştevaniya Iraqê ji mafên filistîniyan û Qudsê da, roja 26ê Gulanê bi beşdariya 275 nûner ji tevahiya 329 nûnerên parlimanê, qanûna sûczanîna têkiliya bi Rejîma Siyonîst ra li parlimana Iraqê bi dengê pirranî hat pesendkirin.