Li sînorê Mexmûrê DAIŞê êrîş kir ser hêzeke artêşa Iraqê
Mijdar 30, 2020 21:09 Asia/Tehran
Tevgera terorîstên DAIŞê li sînorê qeza Mexmûrê zêde bûye û şeva borî jî êrîş kirin ser hêzeke artêşa Iraqê.
Qaymeqamê qeza Mexmûrê Rizgar Mihemed îro 30.11.2020ê ji BasNewsê re ragehand: ‘’Şeva borî grubekî terorîstên DAIŞê hatine sînorê gundê Azî Kendo ya ser bi qeza Mexmûrê û piştre jî çûne sînorê gundê Qelatesoran a ser bi Mexmûrê û li deştayiya wî gundî êrîşî hêzeke artêşa Iraqê kirine, lê ne avêtine ser gund.’’
Herwaha got: ‘’Piştî êrîşê herdu aliyan gulle li hev berdane û pevçûn derketiye, lê heta naha artêşa Iraqê zanyariyên hûr li ser ziyanên bûyerê belav nekirine.’’
Terorîstên DAIŞê li sînorê qeza Mexmûrê tevgera wan zêde bûye û bi taybet bi şev êrîş dikin ser hêzên ewlehiya Iraqê û gundên navçeyê.
