Hişyariya Rêveberê Nexweşxaneya Baptist El-Ehlî derbarê karesata mirovî li bakurê Xezzeyê
Rêveberê Nexweşxaneya Baptist El-Ehlî rewşa tenduristiyê li bakurê Zîvala Xezzeyê karesat nirxand û got ku êdî em nikarin birîndaran werbigrin.
Dr. Fazil Neîm, rêvebirê Nexweşxaneya Baptist Ereb El-Ehlî got: Di encama êrişa siyonîstan ser dibistana Dar el-Reqemê de, nêzîkî 60 filistînî birîndar bûne û nêzîkî 180 kesên din jî birîndar bûn.Wî got ku hejmara birîndaran pir zêde ye û nexweşxane êdî nikare vê hejmara zêde ya birîndaran werbigre û wan derman bike.
Vî rayedarê beşa tendirustiyê li Xezzeyê got: Dorpêça li dijî beşa tenduristiyê û derbasnebûna alavên pizîşkî, kelûmelên alîkarî û pêdiviyên pizîşkî, dermankirina nexweş û birîndaran li herêmê nemumkin kiriye. Wî got ku divê êrişên ser nexweşxaneyên Xezzeyê bên rawestandin û bi vekirina dergehan îmkana derbaskirina derman û alavên dermankirinê û pizîşkî bo navçeyê were dayîn.
