Wezareta Berevanîyê ya Efganistanê di halekî da basa êrişa hewayî ser hin cîyan li axa Pakistanê da kir ku çavkanîyeke leşkerî ya pakistanî jî basa êrişa ser navenda fermandetîya Talibana Efganistanê kir.

Bi dû tundbûna bêmînak a gêreya di navbera Efganistan u Pakistanê da, Efganistanê êrişî binkeyên leşkerî yên Pakistanê kir ku ev yeka bû sedema berteka tund a Pakistanê j iwan jinavbirina binkeyên ser sînor û kontrolkirina binkeyên leşkerî. Wezareta Berevanîyê ya Efganistanê ragihand ku hêzên hewayî yên vî welatî êrişî binkeyên leşkerî yên li axa Pakistanê ji wan çend binkeyên li şarê Feyzaavayê kirin. Di daxûyanîya Wezareta Berevanîyê ya Efganistanê da hatîye ku hêza hewayî ya vî welatî êrişî çend binkeyên leşkerî yên Pakistanê li Noşehr, Cemrûd û Eybetavayê kirîye. Di encama vê operasyonê da bi dehan çekên sivik u giran, rext û alavên leşkerî ketin destê hêzên Efgan da. Hemdullah Fitret Cîgirê Berdevkê hikûmeta Efganistanê jî gotîye: Di encama pevçûna himber leşkerên pakistanî da, 55 leşkerên pakistanî hatin kuştin, nêzî 20 qereqol hatin kontrolkirin û hêzên Efgan dest danîn ser hejmareke alavên dijmin. Çavkanîyeke leşkerî ya pakistanî jî ragihand ku navenda fermandetîya Talibana Efganistanê li wilayeta Legmanê ku ketîye navenda Efganistanê, bûye armanca êrişê. 

Hêzên pakistanî di encama operasyonê da, çend binkeyên Talibanê ji nav birine û heta nika 133 endamên Talibana Efganistanê hatine kuştin û zêde ji 200 kes jî hatine birîndarkirin. Bi dû tundbûna gêreyan li sînorên Efganistan u Pakistanê, rayedarên pakistanî li herêma sînorî ya Çemenê rewşa awarte ya tenduristîyê ragihandin. Şayanî gotinê ye ku Pakistanê wek berteka himber êrişên bêheger ên Talibana Efganistanê ser sînoran, operasyona Xezeb Lêlheq dest pê kirîye.