Li dû êrişa saybêrî ya ser balafirgehên London û Bêrlînê, karê wergirtina rêwiyan di van bajaran de ji bo roja dudiyan a lidûhev aloz bûye.

Şîret li rêwiyan hatiye kirin ku herîkêm sê saetan berî firrînên di navbera parezemînan de û du saetan berî firrînên nav welêt herin balafirgehan. Balafirgeha navnetewî ya Bêrlîn- Birandborgê jî ragihand ku di pêvajoya qeydkirina navê rêwiyan de, pirsgirêkeka teknîkî derketiye. Karbidestên balafirgehekî ewrûpî ragihandine ku lêkolînên ji bo nasîna kesên êrişa saybêrî pêk anîne û asta xisarên muhtemel berdewam e. Ewrûpa di van salên dawiyê bi caran ketiye ber êrişên saybêrî yên dijî binavahiyên xwe yên bingehîn ên wek şebekeyên enerjî û tiranzîtê.