Pîrhebokên hûner bisbisokê teyîsok ji bo xafilandina nêçîrê bi kar tîne
Zanyarên çînî keşif kirin ku pîrheboka hûner bisbiskên teyîsok (Firefly) ên nêrza yên asêmayî di nava tevnên xwe da wek dav bi kar tîne da ku kêzikên din tê da asê bike.
Li gorî rapora IRNAyê ji zarê Independentê, cûreyeke kurmên teyîsok bi navê 'Araneus ventricosus' şaneyên teyîsandina ronahiyê li ser zikê xwe ji bo danîna têkiliyê digel kêzikên din ên ji cûreya xwe bi kar tînin. Cûreyên nêrza yên vî kurmî teyîsnên çendcûre û yên mêza teyîsîna tak bi kar tînin.
Di vî halî da lêkoleran diyar kirin ku cûreyeke pîrhebokên hûner bi rêbazekê kêzikên teyîsok ên nêrza yên asêmayî di tevna xwe da neçar dike ku teqlîda şêwaza teyîsîna kêzikên mêza bikin da ku bi vî awayî bikare nêrzayên din ber bi xwe va bikişîne û wan jî asê bike. Van lêkoleran di Kovara Zanistî ya Biyolojiya Îro da nivîsîn: Encam eva ye ku bisbisokê nêrza yê asêmayî sîgnalên nedurist belav dike û dibe sebeb ku hejmareke zêdetir a teyîsokên nêrza xwe bigihînin nav tevna pîrhebokê û tê da asê bibin.
Ev lêkolîn demekê dest pê bû ku Xinhua Fu ji Zanîngeha Cotkariyê ya Huazhonga Çînê û ji nîvskarên vê lêkolînê di dema serdana zeviyan da pê hesiya ku tenê teyîsokên nêrza di tevna pîrheboka navbirî da asê mane û ti şopek ji yên mêza tuneye.
