Balgeha te dibe ku zexta xwîna te bilind bike
Pisporên dil hişyarî didin ku balgehek bi bilindahiya neguncan bi pêkanîna nakokiyê di gerriyana xwînê, bêhnkişandin û kualîteya xewê da bi awayekî nihênî bandorê lin zêdebûna zexta xwînê ya beyaniyan dike û tenê bi guherîneke sade û kêmxerc mirov dikare li rex dermanên asayî, alîkariyê bide bo kontrola baştir a zexta xwînê.
Bilindahiya balgehê çawa bandorê li gerriyana xwînê dike?
Pispor dibêjin rewşa serî û gerdenê di dirêjahiya şevê da têkiliya rasterast digel gerriyana xwînê, cûreya bêhnkişandinê û kualîteya giştî ya xewê heye.
Xewa bi kualîteya baştir, zexta xwînê ya baştir
Li gorî gotina pisporan, eger serî bi nişêveke aram jortir ji leşî be, ev yek alîkariyê dide bo kêmkirina hewla pêwîst a dil ji bo dehfdana xwînê di heyama razanê da.
Têkiliya bilindahiya balgehê digel refleksa asîdê
Serpişkiyeke din a jordadanîna serî di heyama razanê da reflaksa asîda gedeyê yan jî bersojkîbûnê di şevê da kêm dike. Ev rewş demekê ku mirov bi tevahî bi pişt radizê girantir dibe û pirrî caran dibe sebeba nerihetî û aloziya razanê.
Bijîşk teqez dikin ku bilindahiya balgehê bi tenê nikare zexta xwînê ya bilind kontrol bike. Ev şêwaz divê li rex bikaranîna rêkûpêk a dermanan, werzîşa rojane, parêza ji xwêyê, birêvebirina strêsê ş berçavgirtina xal û prensîpên xewa bi kualîte were bikaranîn.
